Найбуйнешая пляцоўка «Кніжны воз» з аўдыякнігамі для дзяцей на беларускай мове абнавілася, каб карыстацца ёю стала зручней.
Што за дадатак
«Кніжны воз» – гэта бясплатны мабільны дадатак ад каманды беларускіх распрацоўшчыкаў, анлайн-чыталка дзіцячых аўдыякніг на беларускай мове.
Яго можна спампаваць у App Store і Google Play або слухаць на сайце.
Што змянілася
- Усе даступныя кнігі падзялілі паводле ўзросту,
- дадалі пошук і магчымасць захоўваць улюбёныя кнігі,
- навучылі дадатак запамінаць, дзе вы спыніліся.
А тут можна падтрымаць каманду
У абноўленым «Кніжным возе» больш за 200 гадзін запісаў і 71 аўдыякніга. І ўсё гэта абсалютна бясплатна ў адкрытым доступе 24/7.
Каб падтрымаць каманду ці падзякаваць за працу, можна заданаціць або аформіць сталую падпіску на сервісе ko-fi.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
