Фатограф Максім Торап паказаў у Threads макеты паштовак, для стварэння якіх выкарыстаў уласныя здымкі беларускіх гарадоў – і вось што ў яго атрымалася.
На паштоўкі фатографа трапілі Брэст, Гродна, Друя, Візды і Жалудок.
Фота: @privet_eto_maks, Threads.com.
Максім таксама пацікавіўся ў каментатараў, ці набылі бы яны такія паштоўкі на памяць або ў падарунак. Некаторыя адзначылі, што ідэя ім вельмі спадабалася. Іншыя заўважылі, што назву гарадоў прачытаць даволі складана – і параілі скарыстацца беларускай лацінкай.
«Арыгінальна. Некаторыя паштоўкі глядзяцца цікава, некаторыя ўспрымаюцца ня вельмі», – выказаўся ihar_baranouski.
«Файна! Толькі напэўна лепш выкарыстоўваць лацінку беларускую, а не такую транслітэрацыю», – лічыць serhen2006.
«Толькі не спыняйцеся, гэта вельмі прыгожа», – просіць ddzzatser.
Перепечатка материалов CityDog.io возможна только с письменного разрешения редакции. Подробности здесь.
