1 жніўня ў Мінску стартуе марафон здаровага ладу жыцця “САД – Спартыўны. Актыўны. Даступны”. У рамках яго ўсе ахвотныя змогуць бясплатна паспрабаваць свае сілы ў розных відах фізічнай актыўнасці.
У чым сутнасць акцыі?
З 1 жніўня кожны чацвер (1,8,15,22 і 29 жніўня) усе зарэгістраваныя змогуць бясплатна займацца любым відам фізічнай актыўнасці. Заняткі будуць праходзіць у Рэспубліканскім цэнтры алімпійскай падрыхтоўкі па фрыстайле (Сурганава, 4а).
Што трэба зрабіць, каб стаць удзельнікам?
Зарэгістравацца на сайце марафона, прайсці на месце меддаследаванне і атрымаць “пашпарт здароўя”. Пасля гэтага вы можаце выбраць для сябе любы від фізічнай актыўнасці: ёга, пілатэс, фіткрос, стрэтчынг, баявыя мастацтвы, танцавальныя напрамкі.
А яшчэ будуць прызы
Напрыклад, у кінатэатрах Silver Screen уладальнік “пашпарта здароўя” за першы білет плаціць поўную суму, а за другі – усяго адну капейку. Падрабязнасці, рэгістрацыя і расклад заняткаў ёсць тут.
Перадрук матэрыялаў CityDog.by магчымы толькі з пісьмовага дазволу рэдакцыі. Падрабязнасці тут.
