Аўтары праекта @zabiziapu расказалі, як зразумець, на якую станцыю вы падобныя больш за ўсё.
Паводле іх, «Плошча Перамогі» любіць Мінск увечары болей, чым Мінск раніцай, ведае некалькі замежных моў і пакаштавала ўсю прадукцыю «Мінскхлебпрома».
«Купалаўская» – інтравертная сяброўка экстраверткі, аматарка культурнага варушняку, пасля 21:00 – не турбаваць, а таксама ў яе зялёныя вочы.
«Першамайская» – выпускніца ліцэя БДУ, пахне незвычайнай парфумай (любімая – з дражджамі), самая нефармальная ў любой кампаніі і ведае свой рабочы бок – правы.
«Няміга» заўсёды з гітарай, выхадныя – на тусоўцы, плыве па цячэнні і стамілася трапляць у апытанкі блогераў.
«Кастрычніцкая» – экстравертка, заўсёды разам з ціхай сяброўкай, часта спазняецца, становіцца непазнавальнай, калі пераходзіць на рускую.
Беларусы змаглі знайсці сябе?
- «Цалкам ні на якую не падобная, але напалову на “Кастрычніцкую” і “Першамайскую”. 2/3 – “Плошча Перамогі”».
- «“Плошча Перамогі” 100%. Проста люблю хлеб».
- «Я “Уручча”, хоць яго тут і няма».
- «“Першамайская” – вайб, канешне».
- «“Плошча Якуба Коласа” заўсёды, хоць яе і няма тут».
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
