Беларускі брэнд Rabi Pilna прадставіў калекцыю са словамі вядомага паэта

Брэнд Rabi Pilna выпусціў новую калекцыю «Простыя словы», натхнёную беларускім дызайнерам, мастаком і паэтам Міхаілам Анемпадыставым.

Каманда брэнда піша ў сваім інстаграме, што калекцыя футболак «Простыя словы» з цытатамі Міхаіла Анемпадыстава ўжо даступная для заказаў у двух колерах і фасонах.

У сваёй калекцыі брэнд вырашыў выкарыстаць пяць выразаў майстра:

• «Я твайго не вазьму, я свайго не аддам».
• «Ад нуды ды бяды ўратуюся сам». 
• «Час збіраць камяні, час расці камяням». 
• «Я люблю, калі свеціць сонца рана ранкам праз фіранкі». 
• «Можна жыць далей, дзень прыйдзе новы».

Хто такі Міхаіл Анемпадыстаў?

Гэта беларускі паэт, мастак, дызайнер і культуролаг. Адзін з самых вядомых праектаў Міхаіла Анемпадыстава – кніга «Колер Беларусі», дзе ён даследаваў уплыў колеру на беларускую культуру і традыцыі.

Акрамя таго, Міхаіл актыўна ўдзельнічаў у культурным жыцці Беларусі і імкнуўся папулярызаваць беларускую мову і культуру.

Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.