Крута! Выдавецтва Koska запусціла сайт з электроннымі кнігамі па-беларуску

Цяпер дзіцячыя кнігі на беларускай мове можна набываць і чытаць анлайн – выдавецтва Koska запусціла ўласны сайт.

Шведска-беларускае выдавецтва Koska, якое выдае дзіцячыя кнігі на беларускай мове, абвясціла ў фэйсбуку пра запуск свайго сайта. Цяпер кнігі можна купіць у электронным фармаце і чытаць дзецям на тэлефоне, планшэце або камп’ютары.

Пакуль што даступны не ўвесь каталог, але каманда актыўна працуе над тым, каб паступова дадаваць усё больш кніг – у тым ліку новыя пераклады і свежыя выданні. Як піша выдавецтва, сярод ужо даступных – пераклады твораў любімых дзіцячых аўтараў: Астрыд Ліндгрэн, Свэна Нурдквіста, Лены Андэрсан, Лінды Бундстам ды іншых.

Акрамя таго, на сваёй старонцы ў Facebook каманда выдавецтва выказала падзяку ўсім, хто дапамагаў у стварэнні сайта, працаваў над кнігамі і падтрымліваў праект.

Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.

Фота: скрыншоты Koskabooks.com.