У выдавецтва «Янушкевіч» хутка выйдзе пераклад бестселера Стывена Кінга (і не толькі)

Каманда выдавецтва «Янушкевіч» у сваіх сацсетках расказала пра навінкі, якія хутка паступяць у продаж.

«Ужо ў маі нашы (а таксама і вашы) кніжныя паліцы папоўняцца неверагоднымі навінкамі, якія мы вельмі чакаем. А вы?» – анансуе «Янушкевіч» у Instagram-акаўнце.

Якія кнігі хутка можна будзе пачытаць па-беларуску

• Казка для дзяцей ад мастачкі Эльгі Паповай «Мора ў горадзе»,
• прыгодніцкі раман Альгерда Бахарэвіча «Капітан Лятучая Рыба»,
• пераклад на беларускую мову «Ззяння» Стывена Кінга.

Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.