Крута! Андрэй Горват выдаў новую кнігу пра палац у Нараўлянскім раёне

Беларускі пісьменнік Андрэй Горват расказаў, што скончыў працу над кнігай «Дом». Гэта гісторыя пра нараўлянскі палац і асабіста пра самога аўтара. Кніга пісалася з 2021 года і некалькі разоў адкладалася, бо, па словах Горвата, ён не быў гатовы ставіць у гэтай гісторыі кропку.

Аўтар падкрэслівае ў сваіх сацсетках, што «Дом» – гэта не толькі тэкст, але і прыгожая рэч, якую хочацца захаваць. Па словах Андрэя, яго кні­га спа­лу­чае элемен­ты рэаліз­му і ма­гіч­на­га рэ­аліз­му. У ёй брон­за­выя львы пра­гуль­ваюц­ца па пар­ку, а лю­дзі з пар­трэ­таў – па ка­лі­до­рах. «За­хо­дзя­чы ў дом, будзь­це га­то­выя: гас­па­дар у лю­бы мо­мант мо­жа вяр­нуцца з веч­нас­ці, каб ад­ка­заць на тэ­ле­фон­ны званок».

Творчыя прэзентацыі і інтэрв’ю ён праводзіць не плануе. Затое ў наступныя тыдні пісьменнік паедзе ў Вільнюс, Беласток, Варшаву, Гданьск і Познань – у гэтыя гарады ён прывязе адзін асобнік кнігі, які належаў гаспадару палаца. Падчас гэтых паездак ён прапануе ўсім ахвотным сустрэцца, пагаварыць і зрабіць фота з кнігай.

Улетку, магчыма, такія сустрэчы адбудуцца і ў іншых гарадах ці краінах. Уся інфармацыя пра кнігу, а таксама ўрыўкі з яе даступныя на сайце. Там жа можна яе і набыць. Як гэта зрабіць з тэрыторыі Беларусі, аўтар пакуль не ведае, але абяцае: адказы будуць пазней.

Дарэчы, летам 2021 года вядомы беларускі пісьменнік Андрэй Горват («Радзіва “Прудок”») разам з сябрамі набыў нараўлянскі палац на Палессі за 54 тыс. руб. і ўзяўся за яго аднаўленне.

Журналісты CityDog.io наведвалі хлопцаў у гасцях і падрабязна расказвалі пра гісторыю палаца і іх планы па рэканструкцыі. Звярніце ўвагу на фота з той паездкі ў 2021 годзе – там добра бачна, што ў палаца няма даху.

Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.

Фота: музей імя І. Луцкевіча.