У наступную нядзелю, 3 лістапада, у культавым мінскім клубе «Рэактары» будзе вялікі канцэрт на Дзяды – у гонар дня памяці продкаў. Глядзіце, які цудоўны лайнап.
«Восеньскія Дзяды час, калі адзін прыродны цыкл скончыўся, а другі яшчэ не пачаўся. Мяжа між гэтым і тым светам робіцца тонкай, сонца сыходзіць у падзем’е, а продкі вяртаюцца з выраю на зямлю. Згадайма памерлых і заставаймася жыць», – піша каманда клуба ў сваіх сацсетках.
Лайнап канцэрта цудоўны – арганізатары абяцаюць сапраўдны этна-космас:
- Іван Кірчук – легендарны варажбіт этна-космаса, які больш за 45 гадоў даследуе беларускі фальклор.
- GUDA – жаночае акапэльнае выкананне беларускіх абрадавых спеваў з захаваннем аўтэнтычнага гучання. А яшчэ магія традыцыйных танцаў.
- Iva Sativa – зорка беларускага неафолку, якая смела міксуе традыцыйны вакал, хіп-хоп, сучасныя біты, народныя і аўтарскія тэксты.
Першыя 100 квіткоў па 20 руб. для самых імклівых – у касе клуба з 12:00 да 23:00. Потым будзе даражэй.
Калі: 3 лістапада, 19:00,
Дзе: «Рэактар» (Веры Харужай, 29).
Дарэчы, легендарны клуб «Рэактар» пасля працяглага перапынку зноў адкрыўся на ранейшым месцы гэтым летам.
Вось тут мінчане разам з CityDog.io дзяліліся сваімі ўспамінамі аб культавым месцы канца 1990-х.
Перепечатка материалов CityDog.io возможна только с письменного разрешения редакции. Подробности здесь.
