Каманда «Менскай урбаністычнай платформы» не так даўно запусціла тэлеграм-бот, які дапамагае неабыякавым беларусам рабіць сваі гарады лепшымі.
Бот спатрэбіцца, калі вы шукаеце алгарытмы і рэкамендацыі, як зрабіць свой горад, двор ці дом лепшымі. Напрыклад, у меню праграма прапануе выбраць адзін з кірункаў: «Добраўпарадкаванне», «Звароты», «Мясцовае самакіраванне», «Рамонт жылога дома», «Камунальныя службы». Выбіраеце тое, што вам трэба, – і далей бот альбо выдае карысную інфармацыю на ваш запыт, альбо просіць прайсці далей па навігацыі.
Там можна знайсці адказы на пытанне, што рабіць, калі шумяць суседзі, як ініцыяваць капрамонт у вашым доме, як падаваць і пісаць звароты, як усталяваць і ўзгадніць дзіцячую пляцоўку ў двары і шмат-шмат іншай інфармацыі.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
