Шчадрэц (0+)

Шчадрэц, альбо Шчодрык – з`яўляецца адным з свят каляднага цыклу, пад час якога гатавалі так званую другую, багатую куццю. Адзначалася свята напярэдаднi Новага года па старому стылю. У гэты дзень гатавалі бліны з верашчакай і смажанай каўбасой, кашы, крупнік і інш, дзе стравам надаваўся магічна-абрадавы сэнс.

Шчадрэц – вечар варажбы. Варажылі і дарослыя, і дзеці, а асабліва незамужнія дзяўчаты, якія хацелі даведацца, што іх чакае ў будучым годзе. Абрад «шчадравання» вызначаўся абыходам двароў гуртом шчадроўнікаў разам са «Шчодрай» – прыгожай дзяўчынай, якую апраналі ў святочнае адзенне. Спявалі песні-шчадроўкі, услаўлялі гаспадара і гаспадыню, і іх гаспадарку.

У Беларускім дзяржаўным музее народнай архітэктуры і побыту будуць ладзіць традыцыйныя абрады шчадравання. Таксама вы зможаце паваражыць, навучыцца танцаваць беларускія танцы, прыняць удзел у розных калядных конкурсах.

Вас чакае:

• Рэканструкцыя абрада;
• Паказ лялечнага тэатра «Батлейка»;
• Зімовыя забавы і гульні;
• Беларускія народныя танцы;
• Розныя майстар-класы;
• Традыцыйныя калядныя варожбы;
• Святочны канцэрт ад фальклорных калектываў.