Keep calm and do business

Анлайн-часопіс “Ідэя” запрашае на адкрытую лекцыю для бізнесоўцаў, стартапераў і маладых прафесіяналаў “KEEP CALM AND DO BUSINESS: Як перастаць шкадаваць сябе і пачаць развіваць свой бізнес?” у аўторак, 24 лютага а 19:00 у Галерэі “Ў”. Наш спікер – менеджэр Групы падтрымкі прыватнага бізнесу Еўрапейскага банка рэканструкцыі і развіцця ў Беларусі Дзяніс Шаўрук.

Еўрапейскі банк рэканструкцыі і развіцця мае афіцыйнае прадстаўніцтва ў Беларусі з 1994 года. Банк займаецца фінансаваннем прыватных беларускіх кампаній, а таксама рэалізуе інфраструктурныя, энергетычныя і экалагічныя праекты ў супрацы з уладамі. За сваю гісторыю ЕБРР прыцягнуў у Беларусь больш за € 1,5 млрд. інвестыцый, толькі актуальныя праекты рэалізуюцца на суму больш за € 160 млн. Дзяніс Шаўрук займаецца праектным бізнес-кансалтынгам, зоны яго экспертызы – бізнес-стратэгія, фінансавы менеджмент, каштоўныя паперы і інвестыцыйныя даследаванні.

Дзяніс спыніцца на выбітных кейс-стадзі праектаў ЕБРР у Беларусі, падзеліцца ўласным досведам у галіне кансалтынгу малога і сярэдняга бізнесу, а таксама раскажа, як беларускія кампаніі могуць выкарыстаць перадавы еўрапейскі досвед і рэсурсы ЕБРР у Беларусі. У гасцей таксама будзе магчымасць задаць уласныя пытанні выступоўцу пасля лекцыі.

Фота: blogs.citrix.com