Арт-тэрапія для пажылых людзей (18+)

Дзіцячыя творчыя майстэрні галерэі "Ў" запускаюць сумесны праект з ТЦСАН Маскоўскага р-на г. Мінска – штотыднёвыя вячэрнія заняткі для пенсіянераў па арт-тэрапіі.

У кожнага з нас ёсць бабулі з дзядулямі або пажылыя бацькі, якім не хапае зносін са знешнім светам ці магчымасці самавыяўлення. А можа вашыя родныя такія актыўныя, што проста ім трэба яшчэ дадаць адзін від дзейнасці ў штодзённы расклад спартыўных і творчых заняткаў?

З 25 студзеня ў 14:30 у ТЦСАН Маскоўскага р-на г. Мінска стартуе праграма па арт-тэрапіі, якую вядзе архітэктарка і дасведчаная выкладчыца для дзяцей і дарослых.

Усе наступныя заняткі будуць праходзіць па чацвяргах у 18:30
Месца: ТЦСАН Маскоўскага р-на г. Мінска (вул. Напалеона Орды, 47А, каб. 213)
Працягласць: 1 гадзіна