Куды пайсці ў выхадныя 15–17 верасня ў Мінску, Варшаве і Вільнюсе

Пачынаем выхадныя з сустрэчы-гутаркі Art Basel 2023 з Мар’янай Карповіч і Юліяй Качура пра сусветныя тэндэнцыі ў сферы мастацтва. А калі вырашыце, што хочаце працягнуць вечар, заставайцеся на пятнічныя танцы з DJ ST.FLOUNDER. Яны пачнуцца ў 21:00 тут жа – уваход вольны.

Сцэнарыст і рэжысёр Ральф Луп стварыў фільм, мэта якога – бліжэй пазнаёміць нас з асобай і геніем Бацічэлі. Яго карціны не перастаюць інтрыгаваць і здзіўляць: кожны год тысячы людзей прыходзяць на выставы ў музеі па ўсім свеце, каб убачыць знакамітыя працы майстра. Але адна з самых тонкіх, асабістых, загадкавых і, магчыма, самая выбітная яго карціна захоўваецца пад замком у скляпеннях Ватыкана – яе мастак прысвяціў пеклу Дантэ, і менавіта пра яе расказвае гэты захапляльны дакументальны фільм.

Гэты івэнт праходзіць у рамках адукацыйнага праекта «Музыка і зоркі». У пятніцу вечарам вы пачуеце музычныя кампазіцыі, складзеныя з гітарнай музыкі, гукавых эфектаў і аўдыядызайну. І самае чароўнае тое, што іх будуць суправаджаць касмічныя відэапраекцыі на купале планетарыя.

Як кажуць аўтары праекта Traingle, іх музыка такая ж натуральная, як плынь жыцця. У кампазіцый як быццам няма пачатку і канца, яны проста ліюцца, як плынь ракі, за якой можна назіраць бясконца. І гэта назіранне паступова паглыбляе ў стан прымірэння і гармоніі.

Гэта будзе вечар рока: пачуеце любімыя кампазіцыі Deep Purple, Queen, Scorpions, Metallica і іншых у выкананні кавер-гурта JC-Band. Арганізатары абяцаюць зарад бадзёрасці і добрага настрою, а яшчэ – цікавую інтэрактыўную праграму, якую пакуль трымаюць у сакрэце.

Музейнае шоу расказвае гісторыю мастака Якапа Рабусці, які атрымаў мянушку Цінтарэта («прыгажун»), з першых гадоў яго творчай кар’еры да самай смерці. Яго карціны ўпершыню паўстануць на вялікім экране, што дазволіць гледачу ацаніць усе нюансы незалежнага мастацкага стылю.

Стужка даследуе не толькі жыццё і творчасць мастака, але таксама раскрывае гісторыю самой Венецыі – горада, які кіпеў культурай і мастацтвам эпохі Адраджэння. Сам мастак ніколі не выязджаў за межы горада, нават у дні суровых выпрабаванняў.

Адключыцеся ненадоўга ад хуткай сучаснасці і перанясіцеся ў эпоху рэнесансу і барока. У гэты вечар вы пачуеце музыку самых вядомых кампазітараў тых часоў – Гендэля, Баха, Скарлаці і іншых. Сярод інструментаў – флейта, скрыпка, альт, віяланчэль, раяль, італьянскі клавесін. Іх гучанне будуць дапаўняць цудоўныя гукатэрапеўтычныя інструменты: тыбецкія чашы, чакрафоны, званочкі кашы і цяньгшы, а таксама шум дажджу і акіяна.

Гасцей чакаюць беларускія песні ў выкананні Юрыя Гарадзецкага (тэнар) і Паліны Задрэйка (фартэпіяна). Прагучаць творы са зборнікаў беларускай музыкі эпохі барока «Полацкі сшытак» і «Куранты», а таксама беларускія народныя песні.

Вы чакалі і дачакаліся. Вось ён – маштабны фінал 8 сезона Vulitsa Ezha пройдзе ўжо ў гэтыя выхадныя. Праграма чакае вас такая ж гарачая, як і верасень: вялікі фуд-корт і лакальны фуд-маркет, аўтарскія падарункі на дызайнерскім маркеце, кінатэатр пад адкрытым небам, пляцоўка для аматараў вініла, дзіцячая зона, барныя лакацыі, а таксама майстар-класы, фотазоны і шмат іншага. Пачатак – 12:00.

14 верасня ў «Вершах» стартаваў праект Art Store «Автопортрет. Откровение».

Ён аб’ядноўвае працы 18 аўтараў, якія працуюць у розных медыя, і паказвае тое, якім сябе бачыць і адчувае мастак. Аўтары транслююць сваю я-канцэпцыю, у якую ўваходзяць іх назіранні за сабой, асэнсаванне сваіх пачуццяў і станаў у гэты момант. На выставе вы зможаце не толькі пазнаёміцца з сучаснымі беларускімі аўтарамі, але і набыць кавалачак мастацтва ў сваю калекцыю.

Калі марыце пачаць зарабляць на сваім хобі ці перавесці свой экспертны досвед у анлайн, прыходзьце на бясплатны трэнінг. Там вы даведаецеся пра ключавыя аспекты гэтага працэсу на практыцы і на прыкладзе запрошанага госця.

У Варшаве ў рамках форуму HER Docs пакажуць фільм Сашы Кулак «Мара» – адзін з адказаў на беларускія падзеі 2020 года. Стужка прапануе вам далучыцца да Мары – сведкі прэзідэнцкіх выбараў у Беларусі, – якой часам хочацца ўцячы ад рэальнасці ў свет сноў.

У Варшаве завуць на экскурсію з культурным аглядальнікам «Саска Кемпа і яе знакамітасці». Даведаецеся пра адну з самых вядомых паэтак у Польшчы – Агнешку Асецкую, музу Булата Акуджавы, аўтарку больш за 2000 тэкстаў песень; яе творы дагэтуль можна пачуць па радыё і на польскай сцэне. Кім яна была і дзе жыла, якімі вуліцамі хадзіла, з кім сябравала, а каго кахала – пра гэта ўсё вам раскажуць падчас экскурсіі.

У пятніцу культ.прастора CreateCulture Space запрашае на адкрыццё студыі, дзякуючы якой з’явіцца яшчэ больш месца для творчасці і натхнення. Для гасцей у гэты дзень правядуць экскурсію, раскажуць, як там усё будзе працаваць, і падзеляцца інфармацыяй пра тое, як і што можна там ладзіць.